وش انا باهديك غير الحافايات
كلمتين وحرف مكسور وجبر
ماسألت الشعر عن معنى الحياة
ولاطلبته كود شرحات الصدر
طالع ونازل ادور للنجاة
يوم تدفعني هجوسي والنظر
هي رداة الحظ والا الأمنيات
ماعرفت اقيس واغرقني البحر
العناوين اكبرت والعمر فات
والخطاوي ما تساعدني امر
شرهتك عالقلب يوم انه فتات
محترق يوم انتثر برد ومطر
ياعلي ياخوك تسألني رفاة
دفتر الماضي وتسألني الشعر
ماعرفت ارد وابشر بالغناة
من قصيدي شعر واقف مقتدر
صاحبي ياملزم الحق العصاة
خل ايمانك كبير ومنتشر
ملتزم سنة محمد عالبغاة
يامرابط بيت ربه بالفجر
المهند مكتسي منك الصلاة
محزمك يابوه سقياه الطهر
مير علمني علام الصدق مات
بين كتاب الحقيقه والنثر
ليه مجرور القلم اصبح فلات
والمظالم تشقي العين السهر
كيف من ولي غدا مثل الطغاة
مأتمر بالحكم ويلاقي عذر
اه ياغبن المشاعر بالشتات
كيف تهديها اذا شافت غدر
ماقهرني غير تحرير العباة
ودهم ياخوك يطفون البدر
يرسمون الفُجر في صمت البنات
والسكوت احلى تعابير البشر
والفتاوي منكره جتنا غزاة
مثل سيل الدم من صوب التتر
ماقصر قافي ولكن الهداة
يابن مجدوع الليالي ماتسر
نقض جروحي زمان الهات هات
والسلف تالف وشيكاته تجر
مير ياعزاه في كل الجهات
عزتي للي ملا حلقه بزر
العطش بين مواجيب اللهاة
يوم صارت بير وادينا وكر
والأمل بالي دعيناه الثبات
يوم نسأل سؤلنا جوف القبر
رحمتك يارب يامجري الفرات
في غروب الشمس وطلوع القمر
حلمك امضى من عناوين العصاة
وعدلك افضى للتباشير القدر
ليست هناك تعليقات:
إرسال تعليق