ياصاحبي ماهي على كيف عيني
علـمتني يـاخـوك هـقوات رجـال
ابشـر بعـزك يامـخاوي سـنيني
بس انت عود وافرق الحال عن حال
وينـك تـرد على اتصـالي تجيـني
والله لانكـر غيبت الوصـل واحتال
لا لا ماصـدق انـي افقد عويـني
لاقلت ياحمد فز لي دون اهمال
انفـاس تتـزاحـم بسـؤلاك وينـي
والعين تبحر عن مدى شوف الازوال
حتـى الأيـادي تقبـض الراحتيني
والنحر يشهق من عنى ضيقة البال
ادري تناجي في الظلام المعيني
رحـماك ربـي واسعـه كـل مثقال
شهـم المـواقف جـزل مد اليديني
غـاوي صـعاب القـول لاصـار فعال
وافي الوعـد نزال في حـاجتيني
خدمة رفيق ومواجه اهموم(ن) ثقال
كسـاب مـدح العـاقله بالجـبيني
عزوة خوي محزم على الراس وعقال
مـزبن الـجاني بشور(ن) سمـينـي
كريم سـبلا للمـناشيـب حـلال
ياصاحبي غدر الزمن محتويني
فاقدك وانا اخوك والخوف ترحال
كن الزمن وقف مصاب وطعيني
في مفرق الوادي والاسباب تنزال
مـريت ادور صـاحبي يا يمـيني
وان المقـدر حـق والناس تغتال
يـارب بـين ايـديـك سـر مكيـني
يامـنزل الهتـان مـن مـزن يختال
تلطف بحال الي بوصلك متيني
وتحيي جسد سبح يناجيك بوصال
ليست هناك تعليقات:
إرسال تعليق