شاب الرصاص

لاقحم البندق ولاشاب الرصاص
ياوجد حال الي حكم منطوقها
العمر لا ولى ترى مالك مناص
والرعد لامن جى ثنى لبروقها
يبقى الحجر عايش يسبح في خواص
اما البشر راحوا رثا لطروقها
وان شفت موت الي هرب منه ولاص
فالحق على التوبه بنور اشروقها
لوكنت مالغالين والا مالرخاص
ساعتك لاحانت شملت حقوقها
والله ماتفرق بقصرك بالنماص
والا من الاسباب يكون عتوقها
في عمق افكاري احس بشي خاص
هل ياترى الشمعه تحس حروقها
واحسست في بردي غزا اطرافي وغاص
اضمن شهادة حق ؟ملاك يعوقها!
الموت له سكره ولو كان بقصاص
ياوجد حالي لانشبت بعروقها
رحماك ياربي دعيتك بالخلاص
من فتنة المحيا ونفس تسوقها