اضيق

اضيق من دنيا بها هم وفراق
ويزيدني شوقي من البعد نارين
ولاشدت الأيام والتفت الساق
شبيت ناري محتري حيل تاجين
ياخاطر سير على قلب مشتاق
ود الليالي في هوانا وغاوين
لا كان وقت الحب يسري وسراق
مير انتظاري والأمل لو تحبين
البعد يطوي كل قلبي بمعلاق
اشوف موتي في غرامك وتدرين
سامحك ربي ليه تهوا وتشتاق
وتقول لي بعدين بعدين بعدين
يامارسمتك قلب ينزف وخفاق
شوق المراسم في انامل مساكين
ملكتني بالذوق واحساس خلاق
حبيت فيك الطهر والصدق والدين
عمر المسافه مرحلة وقت ينطاق
غاوي مشاعروالمبادي سلاطين
لاقال عمري قلت لبيه باشفاق
واردله لاوافديت المحبين
انتي غيوم احساس ممطر وبراق
لاقلت لك يا اه تكفين تكفين
ردي على كل المشاعروبعناق
ردي على حتى حروفي بقوسين
حسبي على قلب به الحس مافاق
ماقد نجا صوب المهالك معدين
لاكنت لي جاهل وكان الزمن عاق
الدم يغلي في جموع الشرايين
شفت الشجر لاهل غصنه ولاطاق
والا الكبير الي عياله معيين
حتى الندى ودع خضاره و الاوراق
والاالمطر لاغاب بارض البساتين
الله لايكتب على حبنا فراق
هذي حياتي لافقدك وتدرين
انا طموحي حيل عالي وبشاق
لو اكثرت فيني صفوف المعزين
جمل جمل لو حملو فوق ماطاق
انا لها والقاف مهرب على اللين