همس الكلام

همس الكلام ابلغ من الصمت والصوت
مايوصل احساسك اذا كان عادي
عمر الحروف اقصر موادع من الموت
كن الحياة بهمس الأحباب زادي
عشق الفتى لاكان طاغي ومكبوت
احرق فؤاده للمشاريف غادي
حتى سكونه لاغدى طبع منحوت
لاتعتقد حس الليالي ينادي
حنا العرب نعشق على وضع طاغوت
حد الثماله لاعشقنا نعادي
نوح السيوف امضى على عين جالوت
لا مانوينا في سلومه نهادي
نقتل هوى نسمع غوى نعزف النوت
لليل والقمره وقهرالبعادي
نضحك امل نبكي الم نشحذ الفوت
شعار كلمه في سموم التهادي
نهرب من الواقع بكاسين من توت
ونحزم الغتره على وسط شادي
حتى الشباب اصبح نويعم وكتكوت
الثوب ضيق واشغلته النوادي
نرسم على ايدينا دموع وتابوت
وقلوب تنزف بين حرفين ظادي
ماتت شيمنا واصبح الشيخ سربوت
من يوم صار المال ميزان سادي
حتى الشماغ اطول من الليل والبوت
ماكنه الامن رمال البوادي
صاير طموح اطفالنا اليوم بسكوت
خسارة النشئ الجديد الجوادي
في ذاليالي يعوي الذيب للحوت
وتذبل مشاعر من صمود وتهادي
ياهيه يالي وحدتك شد مسبوت
مالك مكان بهالزمان الرمادي
موقن بحكمة من خلق جيش طالوت
خلى الظما فيصل يبين التمادي
الله واكبر وانهزم كبر جالوت
بقله قليله من رجال شدادي
عموم مالك في طوى النت والدوت
هذي مجرد نفس تحكي عنادي