انا وياك

انا وياك والبارح وقمره والنجوم اشهود
وخاطر شق من دمعه فضى هالليل وشجونه
لبى روح الخواطرلارسمت صورة وله منشود
بلون ورودك البيضا يكون احساس مضمونه
على حطة يدك شفني مسافرفي ربى المنقود
ادورفي خفوقي قلب مايشكي من امتونه
الا وان قلة الحيله ترا دوم الفكر مشدود
سطا خاطرك باشجاني سما هالقلب وجنونه
تخيل وقفت الساعه على وعدك تجي وتعود
حسبت ايامي بدونك لقيت النفس مغبونه
حنايا الروح بردانه تدور في دفاك وعود
تعبت اغيب في طيفك واسامر نفس مرهونه
اشوفك حرف وان جيت اكتبه يعصاني المردود
تصور غربة اللحظه وكيف تكون مشحونه
قريتك في السما غيمه على بكره تجي وتعود
صحاري خاطري ولها لكل الغيم ومزونه
احبك كلمة سهله عشقتك غير عالمعهود
رحلني صدق احساسك سرى بالقلب وطعونه
رهنت العمر في خطوه خذتني للحلم بقيود
عجزت اسابق احساسي سراب وغرني لونه
على الهاجس يكون الرتم في نغمة وله مقصود
يجي يعزف على اوتاري لحن مفقود فعيونه
لك الله كل همسات الغرام مكابره في جود
تعانق شوق نظرات الغرام ونفس مفتونه
دخيل انفاسك العطره دخيل لمبخرك والعود
لمست احساس في قلبي عميق الجرح مكنونه
جنون الحب طوعني واناالعاشق وانا المحسود
تعال المسأله اعمق من الكسرات بجفونه
انا وان كنت منتظرك معاني للعطا والفود
تعال اندور لمعنى طريق الحق ونصونه
انا ماجيت لك شاكي ولكن جيت لك بركود
احاديت الغرام انهت برود انفاس ملعونه
حسافة كل ماتملك بهالدنيا شجن وبرود
وليل مشاهد اطيافك بهالجدران مسكونه
اناديها وهي ترسم بقاياعمري المعدود
بريشتها تخط احساس فوق اوراق مدفونه
تعال ابأسلك درب الهوى ليه اخره مسدود
لأن المستحيل انهى حكاية عشق مزيونه