لاصرت ساهي مسجي الفكر ناسي
متلحف اهداب الحقيقه على الكيف
مفعم حياة وكل بحري مراسي
وامواجي اهدى مالبسيطه في الصيف
مرتاح عمري مرتحل فيه راسي
متحزم انواع الخناجر وبالسيف
ماني على كل المحبين اسي
ولاني بمركبهم احب المجاديف
هذي حياتي قبل اعرفك واقاسي
ولاجيت احسبها غدت كلها زيف
يوم ابتدا صبح الليالي مأسي
واشرقت في فجري بعنوان تلطيف
اول حياتي شورها وسط راسي
والحين متجرع جنون التخاريف
فاسرع بخطواتك معي في جناسي
وحول مع اشواقي هبوب التصاريف
وامر على جرحي وليلي وكاسي
للروح للحظه معك للبطا حيف
تدري بقلبي يوم جالك مقاسي
تدري به احساسي مسند طرف هيف
لد النظر ليتك تشوف احتباسي
في داخل عيونك سرا للهوا ضيف
بجلس على كيفي وارد التماسي
بعد الثلاث اشلون اغادرك ياكيف
تأمر على قلبي وربعي وناسي
تجلس معي عمري غوا للتصانيف
ما عاد ادري في حياتي التباسي
لكن عيونك في نعسها سواليف
قاسيت بردك ملتحف في لباسي
متحري اشجان الفؤاد المتاريف
خايف تخونه لعبتك بالكراسي
ماكنه احساسك سرا بالمواليف
وارجع ادندن في حطبكم بفاسي
واصدع العود المقسم بحريف
ماجيت ادور بالعنا عقد ماسي
ولاجيت اسولف بالهروج السفاسيف
ماهوبعاقل من يسولف بخاسي
وكل الجهاله تقتدي بالملاقيف
حتى شعورك لاغدا في انتكاسي
لازم تحدد موقفك دون تصنيف
ودامك قريت وكل يومك دراسي
فخل الكلام اكبر من احساس تصريف
ماراح قلبي من همومه يداسي
الا وحولته لشعري بتحريف
كل التناقض في حياتي يحاسي
مير الصراحه والمبادي بتشريف
ناظر بعيني وارتحل شوف قاسي
ماهو شرف كل المحبه بتكليف
المبتدا قبل الخبر في انعكاسي
والجزم ناويه النصب كسر للعيف
احساسي انك جبت رقم القياسي
عمرك معي عمرين والخاتمه طيف
ليست هناك تعليقات:
إرسال تعليق