اليوم

اليوم يهدي القلب للقلب ورده
اليوم لو تدري شعوري غلبني
ادري خذيت من الهوا كل برده
لكن عطيت احساس متعب سلبني
يابنت لو تدرين باوقات بعده
لو تعرفي وشلون حبه رسمني
يكفي اقول ان القبر ضم خده
وانتي اعرفي وشلون حبه لجمني
ادري سكن خلي تناهيد لحده
لكن حرام اليوم شوقي صرمني
ما كنت شاكي لكن اليوم وحده
وينه يجي ويشوف دامه هزمني
ودي اجيه الحين امسك بيده
وادي احترق لاصار برده سكني
البارحه شفتك على مود وحده
تدري الشبه بينك وبينه ذبحني
وقفت حاير لحظة احساس وجده
سكت ما تدرين دمعي فضحني
وافي الطباع الملتزم دوم وعده
خان الوصال وهجره احوا طعني
كانت بعيني كل سهله وصعبه
كانت لي احساس ومشاعر ومتني
لارحبت بي شفت بالعين سعده
واسير مادري بالبشر وين جتني
واروح الملم كل جرحي بسرده
ويهدني لامن قصيده نظمني
كانت تقول انت المطر لي ورعده
والحين بالخفاق وجدي تعبني
لا واحسايف ارتحل خان وعده
ماني مصدق ليه راح وحرمني
حرمت يابنت المخاليق بعده
لا من صمتني قلت حبك هجدني
ماعاد بازيدك من الحرف مده
لكن عساه اليوم فهمك سمحني