اكسر جدار الهم بالضحك واسلا
والعب على حسي بزود ابتسامي
واقـول بكـره يمـكن الـوضع احلا
واعلم جروح الزمن وش مقامي
يالجـادل الي دوم له عين كحلا
ارحب عدد ماكنت بامسي غرامي
ارحب غـلا واهـلين والفـين اهلا
ارحب وانـا منثور كلي تسامـي
والله لاكسـر خاطر ضاق يصلى
دامي بخـير وجابر الله عظامي
ماعاد بسأل خاطري الف سؤلا
وبلـغ تحيات الأجـابه سـلامـي
قد شفت عمرك قلب ينبض ويخلا
هاذا انـا واثـبت بفعلي كلامي
يالـي تظن انـك مـن الغير اغلا
مايرتوي بالشوف من كان ظامي
دايـم اجـابـاتـك بـكـلا ولا لا
وين النعم وابشر وتامر قيامي
اما تجيـني فعـل حاظر وسهلا
والا تسهل في جموع الزحامي
الحب عطى ماكان في يوم بخلا
الحـب حاتم يا سلوم الكرامي
يامرسمي صور حروفي لاعلى
وحدد معاني خاطري باحتدامي
وضـح لمـنهو قـد غـدا راح اشـلا
وجاوب سؤاله لاسألني علامي
احفـظ كلامي داخله لوح يتلى
مايجـتمع طبـعـين بارد وحامي
ليست هناك تعليقات:
إرسال تعليق