رفضت اني على شانك اجامل مرسمي والحبر
ورضيـت انك على شانـي تراجع دفتـر احلامي
ألا يادفتـري سامح شموعي والعطر والصبر
لأنـي بانـزع اوراق(ن) تجـامل كـذبة اقلامـي
تعبـت اسـرع بخطـواتي ألـم لمعانقه لو جبر
تعبت ارسم بلوحات السما واناجي ابهامي
تخطـيت الرصيـف الـي يـودي للجـفا والقبر
على صدره شكيت الأااه ثقل الدم واقدامي
هنـا مسـند لجلسـتنا هنا ذكرى مداها شبر
هنا يامـا صرخت اقول احبك لحظة اعدامي
على هالحائط الي كل جدرانه شموخ وكبر
ملامـح ظلم لارهاب الشعور ونحر اسلامي
هربت من المكان الي سكن بين البحر والبر
رحلته لاخر احساس الوجود وجرحي الدامي
امـان ولا امـان ورحـلة الفـرقى تهـاوى عبر
مسالك للألم والطيحه الي تكسر عظامي
جبـرني حلم للبسمه مواقف للثقه والسبر
ولا ظـنيت فـي نجـلا العـيون الغـدر الزامي
ضمـاير سـانيه خـانت وعود الراجـفه بالثبر
تتمـتم حانـت السـاعه بنـية عـهد اجرامي
وش الداعي تجادل من تغمد حكمته بالطبر
تـرا مايرفع اسـهومك بـرأه كـود مرسامي
اقول انـزح وراك وثـن خطواتك دمـوع ونبر
لأنـي فـي امـان الله مـوادع فـيك ايامـي
ليست هناك تعليقات:
إرسال تعليق