الطريق

اطو الطريق لشي في خاطري بان
بادلك الدرب الطويله مساريه
ياموتري خلك رفيقي على شان
مسراي كايد والعرب لي مشاريه
شفني مشتت تايه الفكر حيران
وانت الي ادرى بالعنا لو اداريه
كان المديح اول لناس وجيران
واليوم اناجي جامد الطرف شاريه
دام البشر خانو الصداقه بعنوان
ان الضمير اصبح غريب لقاريه
فاهلا هلا بك يابعد كل الالمان
يوم اني ابدع ردلي في بواريه
كالفرد جاهرللهدف صوب نيشان
مرسدس كحلي مالقي من يجاريه
عزمه يطوع للمسافات قيفان
ويسري احساسي على حس طاريه
ملك طريق وخفته تشبه الجان
واحساس ثاني رزتك في مواريه
فزعته تسوى داخلي عالي الشان
يوم الحبيب اول يوصف حواريه
ازريت اسولف للمخاليق يافلان
مجروح صمتي والعنامن يباريه
لايابعد ربعي وناسي والأوطان
مجنون ليلك اصبح الهم ذاريه
زلت خطاي ولاتهاديت باحسان
واكبر خطا الرجال عشق يواريه
ياعاذلي ماهي على كف ميزان
حديتني في علم ماني بظاريه
ماني من الي يحسب الوقت خسران
انا المحيط الي كثيره صواريه
لاهو غرور ولا تماديت بهتان
يختال قلبي يومك اصغر جواريه
احساسي اكبرمنك لو خاطري هان
يالي طموحك حد لبس السواريه
عشها حياتك بالغلط يوم هو ران
مختوم قلبك بالخطا وانت هاريه
اطو الطريق لشي في خاطري بان
وانا الي ادري بالشبح في مساريه