تعب قلبي

تعب قلبي ينادي للوله داخلك مايلقاك
وتعبت اذكر مواعيد الغرام و زحمة سنيني

انا وش جابني غير السكوت وصرخته لخطاك
على كثر العتب احيا الحنين الي يمسيني 
ذبل ورد السهول الي ذبحه الشوق في ممشاك
يحده للظما ملح الدموع وطارق بعيني
سألني عنك نسناس الهبوب بليل يستناك
لفحني موجه الباردعلى خدي ويسريني
هدتني لحظة المغرب شراع وبحرفي مسراك
مجاديف الحروف اسرع على عينك ترسيني
بعد حيي حياة الروح ابيع العمرفي مشراك

تعال ارفق بهالخاطرترا تاهت عناويني

عوايد طبعك اشقتني وهدت صرح يتمناك
اكون بقمة اشواقي وتحرق فرحتي فيني

محطات النفوس اجرام على من عاش يتفداك
تكون بقمة احساسك وفجأه ماتراعيني

اشوف الموج متكسر على اعتاب اليباس هناك
يصورللدفا برد الضلوع الي تناجيني
شواطي بحري الهايج ظلام وساخطه وانهاك
على من نظرته فيها المحيط الي يعنيني
ابرسى في سكون الليل حطام وصرخة تنهاك
حرام تكون في ليلي نعاس ولاتغطيني
تسرب خوف في معنى الهجوع لراحة تبغاك
معاني تفقد المعنى وليت البوح يكفيني
كرهت الحزن واطباع الكرام تجود من شرواك
ولو تقدر انا استاهل وجرب لوتجاريني
اجي لليل متلبس هدوء وراحتي لقياك
سكون الطيف يأسرني سرابه في شراييني
تصدق كل ماقلته تناقض خاطري واشراك
تتوب النفس عن حبك اذا ما وافقه ديني
تعب قلبي ينادي للوله داخلك يتحداك

لانك فاقد المعنى وفاقد قلب يحييني