المركب

البحر غدار والمركب قديم
والشراع اعطى هبوبه للرياح
كل ماقلت اعطني ذاك النديم
قلت لي وشلون اعطيك الجناح
ياهجوس الخير دامك لي رنيم
خلك بمعنى حياتي عطر فاح
سلسبيل الحب ذقته من عديم
يوم تقراني الليالي والجراح
شفت لي سكه وقلت امشي اهيم
مادريت اني على وادي براح
اثر مقناص الهوا يرجع سقيم
اه من ليل العنى والاجتياح
في سلومي لاسرت بالقلب ريم
قلت واعيباه كيف العقل طاح
في بقايا مهجتي جرح اليم
ماشفى من يوم ودعني وراح
ياحنايا العشق في موت (ن)رحيم
ياغيوم القلب عمره ماستراح
فيك ذوق وبوق للقلب الفطيم
مادريت انك على نحري سلاح
ابتسم لك كل ماشفتك مقيم
ياشواهد حاضري والانشراح
اه واويلاه من ذاك السليم
كيف يفقدني التوازن لاستباح
ياجنون ايام عمر المستقيم
الوله سير حياتي للكفاح
العيون تجوع شوفك يافهيم
ياغبوني كل مانسنس ولاح
يابخيل الوصل احساسي كريم
لو يكون اليأس مفتاح الصياح
استبحت العذر من قلب يهيم
يوم يدفعني طموحي للوشاح
الله اكبركيف يقهرن الحريم
ياشموخي ياعتزازي يوم باح