لك بأول خاطري

لك بأول خاطري واقصاه روح
تسكن بكل الضمير
كالندا برسم على خدك طموح
لوحة القلب الأسير
طفلة الاحساس والخاطر جموح
والمشاعر في هجير
ياحلاة الصمت وعيونك تبوح
تحكي بربط المصير
ياوجودي لاتبسم في المزوح
وجد منهو مستجير
ضمني ياكل ناسي يالشحوح
وارحل بخوف العشير
وش بقى من ليل تاليته تروح
ضمني قبل المسير
فزعة المشتاق تبني لك صروح
من غرام ومن عبير
من سكن ليلي وجودك والجروح
ياعسى بالعلم خير
قلت تبغيني وجيتك ياللحوح
يوم نجلس عالحصير
نبرتك بالصوت تعلا في شروح
شي راح وشي يصير
لوتفسر لي غرام لي فضوح
نار برق وزمهرير
عطني ايدينك بنرقى ذالسفوح
وصح راي المستشير
ياغناتي ارحم احساس سموح
خلنا في الحب غير
هاك باسمعك خافق لي ينوح
دون صوت ودون زير
باشتكي لك من خواطرلي تلوح
دوم تحظر واستخير
خاطر شق الخفوق وهو نصوح
يحزم الأمر ويغير
مير اعود طول ليلي في صلوح
في وطن ماله سفير
مرة يهزم ومرات فتوح
سيف شاطرلو فقير
عسكره دايم معاني للمدوح
يوم خلوك الأمير
خافقي من وجد حبي لك ذبوح
وادري انك لي نظير
ماتطرق سرد عينك في طروح
سالفة قلب كبير
اختصرت العام الاول والفروح
كن ماللسر بير
شفت حبك شوق في وجه صبوح
لمعة الدمعه تشير
لهفتك عطري واحساسك يفوح
من شجن ورده تثير
دوم تلقاني معاند في نطوح
لو عقابي مايطير
اشكلي وابكيك يالترف النضوح
والغلا بحر غوير
في مسارات الهوا طوفان نوح
والنجاة بمن يجير
لوتساقط في سماك اليوم روح
ضمها وسط الضمير