ياوقت

ياوقت بسأل خاطرك لو تكرمت
تكفى تعلمني بسر الكتابه
ليه السكوت ابلغ عباره مع الصمت
وليه المعاني ماتساوي غيابه
ليه التناقض كل ماطحت اوقمت
وليه الوطن اصبح مواقع مهابه
ليه الثقه خانت بكلي ولالمت
غير الزمن في حضرتك والأنابه
لكن سؤالي ليه اغرق وانا عمت
ليه الشيم ماتت بشعب ولابه
حتى الحروف تعيش فيني وانامت
وان جيت اترجمها بكتني سحابه
تذكر خفايا البارحه يوم لزمت
تعرف حكايا روح تشكي التشابه
ياوقت نثرت الدفاتر ولملمت
احساسي الي طامع في جنابه
بعثرت اوراقي معك ماتعلمت
لاجيت ارتبها كرهت الأجابه
ياوقت قله واقفاً لو تحطمت
يأبا علي احساسي الي غلابه
بشر جروحي يازمن امس صممت
انسى حياتي الماضيه في رحابه