تمر بخاطر

تمر بخاطر اللحظه واسولف خاطري وياك
يااخر وجد من يغلي العيون الي يهيم بها
عسى تسمع صدى اشواق الذي قدعاش يتفداك
يضيع بنضرة عيون الفتون الي تشوف بها
سكنت الليل باحساس الغرام وهاجسي يبغاك
ياول من سكن بين الضلوع الي تعيش بها
اشوفك بالخفا اطياف واطارد همس يستناك
تصورتك هنا جنبي وجود لروح بك تبها
سالتك عن هيام الروح وليل وبوح لوهو جاك
وخاطر من شروق الشمس يبي يحكي لمغربها
وعن مردود هقواتك وحس بداخلك ينهاك
وعن اشواق تتزاحم وتعجز لو ترتبها
اذا ضاعت اجاباتك وحنت غربتك لخطاك
وتاهت في سنين العمر احلى مايجودبها
فلا تتكلف المعني ولاتستنطقه بشفاك
وجاوب في زوايا الصمت حكايا تستمدبها
شواهد للحنين اعظم من انك تسهره برضاك
تكابر ضيقك بلهفة وتستدرج لواهبها
ياصوت الماضي وبكره يالحن ولافهم معناك
ترانيم الغلا تعزف بحورك وانت تشجبها
سوالف هالزمن صعبه الامن جى الغلا يبغاك
تلاقي ثقل في نفسك وتتكاسل تجاذبها
اظن المسأله انك تحاكي عاطفه وانهاك
لأنك لو تحبه صدق قسم بالله تخربها
اذن راجع حساباتك وحدد من تبي وياك
ترى لاضاع احساسك تعاني من سبايبها
تبي توصل لغاياتك وحددت الوصول هناك
ولكن خانك الثاني لآخر دون تحسبها
تفكر ترجع لمنهو يحبك والعذر شرواك
الااا ياغربة اوطانك لأنك مادريتبها
مفاهيم البشرصارت اذا عذبتني اهواك
واذا لازمت لي روحي نبذتك في جوانبها
زمن حطم اهازيج الغرام وشوهه لقياك
تبي تتوسد احلامك وخلك من يعاقبها