الشعر مرسول

الشعر مرسول البحور المتاريس

والوصف فالمعنى والأبداع في الحال

البارحه مرت علي الهواجيس

تسأل عليك وتحتري منك تنزال

زارتني اطيافك سما كالنواميس

ياوجد حال الي يحبك ولا زال

احاول اسلى بالكتب والقواميس

لاعاد بي صبر ولا اهتنى بال

احلم بيقظات النهار الكوابيس
ويفز مجنونك يدورك بهبال

عشاق ليلى سلموا امرهم قيس

وابن الملوح مات بالحب ماطال

وش حيلتي لاخالط الحب تدليس

كيف السواةبظامي الشوق والحال
واعوذ بالله مالشياطن وابليس
واجنب ادروب الخنا لو بمثقال
وان جوك عذال المعاني بتدنيس

ليتك ترد العلم في شور رجال

ماهي سوا ياصاحبي والمقاييس

دايم ترا تفرق ولو خاطرك مال

والعين ماترقب سواك انت وتقيس
كل البشر في جال ولحالك بجال
قفلت بيبان الوصل بالترابيس

لا ياغاناتي شوفني طيف تمثال

رد الحياة بكاملي والاحاسيس

رد السكون الي فقدته بترحال

يابو فهد شفت العجب فالدهاليس

وان العرب مابين صادق ودجال
انهل من اعلوم الشجاعه بتحميس

وشد الظهر ياخوك بخطام وعقال

العلم وافي جملوه القوابيس

شروا الذي عدا على الشر زلزال
لو خانك المولد ودورت تجنيس

عندي وطن فيه القوافي بمسيال

سالم من حروب الفتن والجواسيس

لافيه لا قالوا ولاصاحبك قال
عموم مالك في الخطا والوساويس

هذي خفايا البارحه واستر الحال