من البارح

من البارح وصدر البوح يذبحني على الي كان
الا وش حيلة الليله وانفاسه تطاردني
يبعثرنى الوله واضيع ويجمعني شتات انسان
حنين الروح والغربه وهالاوطان تفقدني
سواة الي سأل جاهل ودله مفرق النسيان
عجزت ارجع لأيامي وهالخطوات تبعدني
سألتك يازمن بالله علمني من الي هان
انا لو ذنبك اخطيته فلاهي قصدي ولمني
ولكن لاتعرضني دروب مفارق الخلان
طلبتك يازمن عني تغظ الطرف وترحمني
اشوف العمر في دمعة طفل متكدر وزعلان
وامد احساسي لوجهه وتغرق دمعته وجني
ياكبر الهم في رحلة شقاوي مالها عنوان
وياصغر الفرح في قلب المسافر يوم ترحلني
تناسيت الألم لحظه وتهت بمنظر الألوان
بياض الثلج ليه اسود وليه امطاره البني
سمحتك في غروب الشمس في موعد لقا ولهان
مع همس الحنايا صمت في داخلك يلزمني
اشوفك حلم يسكني ويخلق للقى اشجان
رجيت المعذره من جرح يألمني ويلهمني
سكنت بعبرة اشواقي بحضن الليل والأحزان
مع اطياف الخطا لحظات اناديها وتزهمني
سمعتك همس في محجر فواد الخايف التعبان
ابدفا وين هو صوتك تعب خوفي يطمني
نغمت العقل والمنطق غناوي شاعر الالحان
اشيل بخاطري صوتك على اوتاري وتعزفني
تخيلت اللقا صدفه على شط البحر طوفان
ابرسى في خيال الروح لو ان الموج يعدمني
ياكل الناس ياانته ياانا ياغلى الهتان
ياشوقي ياجروح العمرياحساس الوطن مني
دخيل انفاسك الوجله دخيل معانقك يافلان
دخيل لمسكة يدينك لو النظرات تمنعني
يشيب الوقت والمنطق يعد من القسا هجران
على كيفه يجن الوعد وان ماجاه طوعني
يسيرني الوله خطوه ويأسرني الحنين اكفان
خفوقي ساكن بوجدك وللاشواق يعزمني
ابرسم عمري بلوحه واسطر كل هالجدران
واخط الحرف للمعنى وقاف الظاد يفهمني