ما بقي

مابقي للشعر خانه مابقي للعين شوف
كل ماقلت انتهينا جد لي خاطر جديد
يابحور الشعر هانت ماقريتك لاجل خوف
كنتي احساس (ن) بقلبي دوم اعرج به واعيد
مانظمت الشعر رغبه او طموح او وصوف
هو حكايه حق فيني يرحل بكلي وافيد
مؤمن ومعتز بالله ودايما قلبي يطوف
في حمى الرحمن راجي توبة القلب العنيد
كم رميت وكم سعيت وكم رفعتك يالكفوف
لوجلدت الذات ساعه ردني حس بليد
شفت خير وشفت شر وشفت عوقك يالظروف
يابقايا الروح وينك جودي بوصل البعيد
في شموخي عز راسي ماتغيره الجروف
ماحنيت الراس راضخ لاجل من يقدر يزيد
ديرتي قاسي صخرها ديرتي كل الحروف
ديرتي عز لجنوبي لاحتزم قلبي الوريد
غامد الهيلا مراجل ما لواجبهم سقوف
لابتي محزم لجنبي لاعلنت ناري الوعيد
التحف بالليل شوق ومسندي حب الهنوف
مسجي احساسي خواطرتحلم بفجر فريد
صاحبي وان طال بعدك شلت همي عالكتوف
دامك المعنى لحياتي خلك لنبضي رفيد
مانثرت الدمع باكي يوم انا طفل عطوف
كيف تبغاني اهله يوم بعيوني جليد
ماجلست اشكي بحالي دام يهواني الوقوف
ماعرفت اقعد وانا اللي لان من عزمي الحديد
من سمعت الذيب يعوي صابني مثل الحسوف
ودي انظرله بعيني يوم في ليله يسيد
ادري المعنى بقلبك ولاتبي والله حلوف
مير عذبني حنيني والرتابه والقصيد
ابتديت بطال عمرك وانتهيتك بالكشوف
باقصر العلم بسؤالي عاد في حبك رصيد