اعشقيني

اعشقيني عطر في رحلة وعد
واسرجي المهره تسابق هالسنين
دامها خطوه ونرحل هالبعد
لاتلومي من يجرحه الحنين

بتديتك شوق عمري لو تعد
الجروح انتي وقلبي واليدين
دامني واقف اناظر من قعد
ماعلى حالي وعزمي مايلين
لو سألتي روح روحي يابعد

كل هالدنيا رخيصه لو تبين

سولفي اهواك في شوق صعد
مالحياة الا انامل عالجبين

تشهد القمره وهتان ورعد

بالخفوق الي يسامر حاجبين
الحياة احساس قولي وشبعد
اسمعك كلي دخيلك لو تجين
وشيسوي خاطر الي مبتعد

عن حروف الحب لكنه يبين

شفت بك حلم الليالي والسعد
تدري بمعنى وجودك دمعتين
حازم النيه باجيلك واستعد
ما توصف كل مابي كلمتين