عشر وعشر

عشر وعشر وان طافت الساعه ثواني استجير
هل لي براحة بال ياصنعة يدي
ياهالوعد جن المسا ملهوف عيى لايسير
فيك الوصل منذور في ذبحة فدي
حُظ الخطا لمقابل التايب لذنبه مستخير
والله لوما الامس لانحرلك غدي
يالساكنه بعروق تتزاحم على نبع العبير
لد النظر يمي عسى عمرك مدي
كن الهوا باحساسه الراقي يحدد لي مصير
الله يافدواه لاقال ابعدي
ياشاردة نورً يورد من ثناياك المسير
تسكن زوايا مهجة القلب الندي
الصبح ماهو صبح لوماكان باحساسك يغير
يالي نهاري في عيونك يبتدي
ابحر وله ومجدافي الاهات من قلب اسير
وانشد بعبرات الحنين السرمدي
انت الامان الي ارتجاه الخاطر الي بالضمير
ياجنة ايامي بحسك اهتدي
ياصاحبي ياحبي الأول وياحبي الأخير
بين الضلوع العوج اغفي وارقدي
ماعمرهالدنيا تساوي الضيقه الي بالهجير
اشوف في عيونك سراب المفتدي
ماقول لا تبكي ولا قد قلتلك انا بخير
لكنها اللحظه تجور وتعتدي
يعصف بهاغيمي وترحل ريح واتماسك اسير
واشدها روحك ادور مسندي
هتان يسبقها وبرق الشوق يرعد جوف بير
واتعطر ايدينك تعرق في يديي
يرحل بها شوفي جروح الأمس في لون الغدير
وتشرق وطن للديم ومزون الهدي
ويوم اشرقت شمس الاصيل وراحت الظلمه تنير
والكيف جاهر بين مهراس وودي
والطير سبح وين ماقد جازله يبغى يطير
وجف الندى الباكي على غصن شدي
ايقنت لحظتها بأنك حلم في ليلي سفير
وان الامان اوطان والموعد ردي