تعالي

تـعالـي قـربـي مـنـي أنامــحتـاج لـلأوطـان
شواطي عمرك الدافي تراهاداخل عيوني
انامحتاج لوجودك كثرماحتجـت لـك عـنوان
اذاتسمح تكون الي تبات بداخل جفوني
عساني مانحرم منك فديتك خافقي الولهان
يمر الوقت يطعني اذاهو دونك ودوني
ابكتب يوم ميلادي على امسك مع الي كان
وبامسح مامضى من عمر في كونك وفي كوني
إذا ظل المدن يرضى الفيافي تنجرح وتهان
فانا لك كون لاغصان المشاعر والمطر لوني
تقول العطر وشهوالعطر غير الشعر والالحان
فديت الي تحب الورد و تهوى عطرماروني
هديتك الأخيره وعد في نفسي مع النسيان
على همس اللقا مشتاق لك في قمة شجوني
عصاني الحرف ووعود اللباقه والطرب والدان
يجيني حيل متأخر واقول ان عذره يموني
سهرتك برد يكويني على اللهفه مع الكتمان
طواني الجرح والوحده حوت ما كان يعلوني
سحابة صيف ياانتي كساها الرعد بالهتان
على صحرا الفراق الي تهد الحيل بالهوني
تقولين الهوا كذبه واقول ان العمر وجدان
على ظلم الهوا منك سماثقله على امتوني
ارد اقول في وعد الصداقه منجرح من شان
ابي اعشقك واحبك ولكني بلا عوني
تشوف الحب تدريبه به تحس بداخلي انسان
يخاف الليل والوحده اذا ما قلت مكنوني
عجزت اقيمك لحظه وسار بخاطري طوفان
على كتر السدودالي مع الخفاق يبروني
تمنيتك مشاعر للخفوق التايه التعبان
لاني ساكن بامسي وعايش فيك بجنوني
حياتي روحي وعمري اذا جينا نرد الشان
الى ذكرى القلوب وماضي الايام مفتوني
قسم بالله مااقدر اخون ولا انا خوان
ولكن حبي الأول مع الثاني يسروني