الوصل

الوصل مفتاح القلوب المشاريه
والطيب في داخل نفوس عظيمه
يامرتحل حول عن الدرب والتيه
مالي على قطع العلاقات شيمه
اماتخوض احساس قلبك تناجيه
والاارخص الغالي وشد العزيمه
مبطي واناهلي بهتان يبكيه
واشوف وجهه في سماكل غيمه
ماكنتي الاصوت عمري وطاريه
لك في الحشاراحه ومعنى وقيمه
احساسك الي شدني في مباديه
يوم الهوى ظالم بقصه اليمه
حتى الكلام اصبح له اشعوريحكيه
والانتظار امسى غلاك ورنيمه
لاقلت لي قلبك فديتك تقاويه
قلت العطاواجب لروح يتيمه
حتى هروبي باعترافي تماشيه
وتقول لي مادري بنفس حليمه
والا الهبال الي علينا تعاطيه
بيض النوايا في صحايف رحيمه
ياماتفادينا من جنون ننويه
واجمل هدايا بين شعري وريمه
حب نمى في قلوبنا ليه نخفيه
زين العواطف في قلوب سليمه
اقولك عمري تردين لبيه
وتحسني لو غبت ليل العتيمه
لان الهوى ماهوبشي نخبيه
يبان في وجه النديم لنديمه
المشكله لامن هوانا نقاويه
لانا نخاف ان الليالي تضيمه
ادري بها حس وشعور تخفيه
وتدري بقلبي والخفايا القديمه
روحي على ذيك الليالي تناديه
والعين تشكى غربتك يافهيمه
ادري العتب زايدولاكنت ناويه
لكنها عمر الثواني السقيمه
لارحت عني خذه قلبي تراعيه
ود الليالي والشجن والغنيمه
بالمختصر هذا شعوري وبرميه
مابين قلبك والحناياالسديمه