اغنم من دروب الوفا

اغنم من ادروب الوفا وين مارحت
وارمي على علم الرجال اختياري
دام النوايا صادقه يومني طحت
ماهو بعيب اني اعدل مساري
يبقى طموحي شامخ الراس لو نحت
مايكسر النفس العزيزه خياري
وان رد صوت العاطفه دامني صحت
ادري بأن الغايبه في طواري
حددتها اهدافي براسي ولاشحت
عن موجبات العاقله في قراري
سكوت يأسر في الحنايا ولو بحت
اقدر اقول انه دفا في مداري
ميزت معروفي عن الشر والسحت
وعليت شوفي في سما من يداري
اوجب شرود القوافي ولا لحت
بيبان توبه هي سلامي وداري
اعذب كلام الي حروفه كما النحت
يحفر بصدات الزمان اعتذاري
مخلوط عودي في غرامه وقد فحت
بأجمل عطوره يوم شاف استجاري
واسوء شعور اني معي ماتصالحت
لاني معك ابدا الخطا بانتحاري
ازهب اجروحي رجا ماتزحزحت
وش تحتري شد العنا باحتضاري
وش هي حياتي العاقبه دامك افلحت
ياذاهبه وجد السنين انتظاري
سلم العرب لاجيت زاير وصبحت

فالشور شور مقربين الوجاري
ودامك تشوف اني فضحتك وجرحت
فسلام ربي عد ماثار ناري