مرسم وممحاه وسطر وانتي وليلي والمكان
يازحمة اللحظه وانا كلي مشاغل عاصفه
جادت مشاعل خاطري فزعة نشامى واحتضان
ماكني الا راس هالمجلس ابلغ سالفه
ساكت ولكن كل احساسي يسولف للزمان
بالمرسم الي خط عنوانه بجمله تالفه
ياراس مال العافيه ترى الخساير في الهوان
تكفى تكسبني هدوئي باليمين الحالفه
ماغير اهذي في قصيدي واطربه ياليلدان
اوتار اعزفها بصدري للحنايا الطارفه
يالعنبو جد الشعر فاضح يوردك الجنان
اصد احساسي لقا لكن بقافي عارفه
ماقدر اشيل الحرف واعذاري بحلقي احتقان
شابت عوارض لحيتي كيف اعترف بالنايفه
دايم اراقب ساعتي وترد لي آن الاوان
ماتدري ان الوقت عقربها وهي متخالفه
كلن يناجي خاطره يبحث بدربه عن حنان
هذي المشاعر ساميه باسم الهوى متحالفه
وشلون معزوف الغلا يكمل بلا عزف الكمان
ياشلة الهجران جودي في العيون العايفه
عموم ماهي قصتي ولا لي بتمجيد الحسان
ولاني من الي يسمع المقفي حروف اسفه
ياكثر هقوات العمر يوم الخطا واقع عشان
ارضي نفوس الغير في ممشا خطاي الخايفه
ماضي بعيد وللأسف مشهود من بعض العيان
كنت احسبه سري انا وأثر الحقيقه كاشفه
لو يحسب ابن ادم لحاضر صفحته بالأتزان
ماكان حيزها فعول تنوصف بالهايفه
لكن هقواتي أمل معطوف في رجوة امان
كلي ثقه بالي هدا النجدين وعينه شايفه
ابي وطن كله وطن وابيه سكنات الكيان
ابي وابي وابي وابي وابيه جمله رادفه
ابي هدوء العاصفه يرسي بصفحات البيان
مليت الملم شاعري واستر معاني كايفه
كلن يبي في هاجسه ويمنع بتصريح اللسان
وصدورنا ضاحت من الكتمان وصارت عاسفه
كن الحنايا سجن واحساسي بداخلها مدان
واعصابي السجان وقيودي معه متكاتفه
بيبانه التجريح وجدرانه اوامرهم لعان
والمنع الزامي بتعليق الصور والعاطفه
وأن مر زاير في العمر يهوى المشاعر باقتتان
قاضاه قلبي تحت بند الخاينه متعاطفه
وشهي جريمة هالحنايا غير اطلاق العنان
للفكر وهموم البشر ولدمع ماني ذارفه
يالله فرجها علي واعتق وفا مايوم خان
يارب اغفر لي وأنا كلي مظالم كاسفه
يازحمة اللحظه وانا كلي مشاغل عاصفه
جادت مشاعل خاطري فزعة نشامى واحتضان
ماكني الا راس هالمجلس ابلغ سالفه
ساكت ولكن كل احساسي يسولف للزمان
بالمرسم الي خط عنوانه بجمله تالفه
ياراس مال العافيه ترى الخساير في الهوان
تكفى تكسبني هدوئي باليمين الحالفه
ماغير اهذي في قصيدي واطربه ياليلدان
اوتار اعزفها بصدري للحنايا الطارفه
يالعنبو جد الشعر فاضح يوردك الجنان
اصد احساسي لقا لكن بقافي عارفه
ماقدر اشيل الحرف واعذاري بحلقي احتقان
شابت عوارض لحيتي كيف اعترف بالنايفه
دايم اراقب ساعتي وترد لي آن الاوان
ماتدري ان الوقت عقربها وهي متخالفه
كلن يناجي خاطره يبحث بدربه عن حنان
هذي المشاعر ساميه باسم الهوى متحالفه
وشلون معزوف الغلا يكمل بلا عزف الكمان
ياشلة الهجران جودي في العيون العايفه
عموم ماهي قصتي ولا لي بتمجيد الحسان
ولاني من الي يسمع المقفي حروف اسفه
ياكثر هقوات العمر يوم الخطا واقع عشان
ارضي نفوس الغير في ممشا خطاي الخايفه
ماضي بعيد وللأسف مشهود من بعض العيان
كنت احسبه سري انا وأثر الحقيقه كاشفه
لو يحسب ابن ادم لحاضر صفحته بالأتزان
ماكان حيزها فعول تنوصف بالهايفه
لكن هقواتي أمل معطوف في رجوة امان
كلي ثقه بالي هدا النجدين وعينه شايفه
ابي وطن كله وطن وابيه سكنات الكيان
ابي وابي وابي وابي وابيه جمله رادفه
ابي هدوء العاصفه يرسي بصفحات البيان
مليت الملم شاعري واستر معاني كايفه
كلن يبي في هاجسه ويمنع بتصريح اللسان
وصدورنا ضاحت من الكتمان وصارت عاسفه
كن الحنايا سجن واحساسي بداخلها مدان
واعصابي السجان وقيودي معه متكاتفه
بيبانه التجريح وجدرانه اوامرهم لعان
والمنع الزامي بتعليق الصور والعاطفه
وأن مر زاير في العمر يهوى المشاعر باقتتان
قاضاه قلبي تحت بند الخاينه متعاطفه
وشهي جريمة هالحنايا غير اطلاق العنان
للفكر وهموم البشر ولدمع ماني ذارفه
يالله فرجها علي واعتق وفا مايوم خان
يارب اغفر لي وأنا كلي مظالم كاسفه
ليست هناك تعليقات:
إرسال تعليق