المعاتب

الجو رايق والهبايب معاسير..

..مير انت علمني وهات الأفاده

كرر سؤالك يانسيم التباشير..

..صدّق تراني ماسمعت الإعاده

كنك تقول ان الأماني طوابير..

..وتعتب على مقعاد يروي براده

تشره على كفخ الجناحين والطير..

..ماتدري انه للفرايس إباده

روح وناقش جمع نجم المشاهير..

..وآسألهم اكتافي وهات الوساده

واذا تفسر بسمتي بالمقادير..

..عز الله انك تنوصف بالبلاده

انا من الطعنات روحي مشاوير..

..والجرح فيني يستحق القلاده

ماهو بذنب اني اعيش التفاسير..

.. ابي اطمن خاطري واعتقاده

اضحك وانا قلبي غزته المحاقير..

..علمني الاحساس سر الإجاده

مادري حياتي تستحق التقادير..

.. والا ان موتي يستحق الإراده

غبني وانا طولات ربعي هل الخير..

.. الي لوازمهم رقت للإشاده

ماتدري ان الخاتمه فعل تقدير..

..للغربه الي ساكنه في بلاده

هدي جموحك بالعتب والمحاسير..

..القلب ادرى بالذي في مراده

بارضيك لكن هد روعك وانا اشير..

..خلك مع جنبي وشد العقاده

ترى الإراده ماتحل اي تقصير..

.. ان كان صاحبها غلط باعتقاده

خله يجينا سيد كل الغنادير..

..في يوم لاجابه ضميره وقاده

لكن حذاري تفضح السر والبير..

..خله بكيفه يحتكم للنقاده

وان خفت يتعب خاطري بالدواوير..

..بلسم فؤادي من ضميري عياده

في وقتها شد الهبايب بتكبير..

..ماعاد تعنيني حروف انتقاده

سطر كلامي وقتها خوش تستطير..

..وارسم على الخطين لأجل الزياده

ماعمر مكسور القناعات بيسير..

.. ولا كل خائن يعترف في سواده