ييمه طحت من عين العوافي والسبب اقزام
وجازوني لنهشات الألم واهتزت الشيمه
ييمه خانني حظي بعرف الصدق والايام
اغالب دمعي وقهري بلا عزم وبلا قيمه
ييمه شابت اوقاتي وفرحي انتهى قدام
ولالي بعد رب الكون الا حضنك وديمه
انا ياميمتي صفحه بغدر الطب والاحلام
سبوني ضحكتي يمه بإسم الدم والظيمه
وثقت ببالطو ابيض يداوي ال ااه والالام
وكيف انشدهم اسقامي وانا الاعبه غميمه
تقولي طفلتي يالله مشينا والفرح اكوام
واضم ايديني بأيدك واشاغب في السما غيمه
ونوصل بعد مانتعب لباب المختبر باقدام
هلكها قيض في ممشى الفقير وذل تحطيمه
على ذاك السرير ارقد وبيدي حبل للاوهام
يبكيني دعاء امي وفني جاز تفهيمه
يقولون الفقر ساكن بدمي يوم جار ودام
وجاوز حده الشرعي وعلم في ترانيمه
ياربي كيف يتغير دمي في كيس له اقلام
وصوت الاجهزه مزعج كما الخوف وتقاسيمه
غفيت برحلة المشفى وشفت اني بفصل الهام
وهي تلعب بمرسامي وانا اضحك من تراسيمه
معلمتي ،،صديقاتي،،وهذا فصل للاعلام
وذي غرفة مديرتناومصحف سهل تعليمه
وذي باحة حديقة مدرستنا منبع الالهام
وهذا فصلنا سادس مميز يوم تكريمه
وطال الوقت باحلامي وشفت اني مع انغام
رحمها الله قد ماتت خيانة طب وتجريمه
وكانت هي تحذرني وترسم في السما اجرام
تعاتبهم على جرحي وتصرخ كبر تعظيمه
صحيت واشتعل فيني مجاري للتعب والغام
ولادري بس هاللحظه طفى لوني بتعتيمه
تنادي امي بأسمي يابنتي يالغلا ريهام
مشينا ياجنى فرحي رجعنا البيت ياريمه
وبعد كم يوم جا الاسعاف ينادي شمري الاكمام
نظن انه خطأ طبي وهذا امر تعميمه
خذوني واذبحوا فيني براءة طفلة الاسلام
خذوني للعنا عمري خذوا بكره وتحريمه
خذوني للشقى دمعه خذوني للقصص افلام
خذوني للقبر حيه خذوني للكفن خيمه
ياقلب امي تحمل مابقى للوعد من ايهام
ودمعك يايبه غالي ولكن حق تسليمه
ابشكي للزمن حالي بدوله ماتبي تنظام
ولكن شيخها فاسد كساها ظلم ترسيمه
جنوبيه اذن موتي ترى في طبعكم اجرام
جنوبيه أذن لاعقل لها ويجوز تنويمه
جنوبيه اذن لاحق لها والواجب استسلام
جنوبيه اذن روحي فدى للنفط وتنظيمه
الا ياشعبنا الساكن وطن يتحقر الاعلام
اذا ماقمتم اللحظه فلا ترجون ترميمه
وانا بدعي شموخي والقلم واحساس من ريهام
الا يالله ياربي تشافيها من الظيمه
ليست هناك تعليقات:
إرسال تعليق