يدينه

تعالي اهمس لك من القاف بيتين
باحساس في صدري وكني اهينه
وارضى بحكم العاقله والشويرين
بس ان شرطي بسمتك ياحزينه
لكني افضل سكوتي..... وتدرين
ان خالط احساسك مشاعر ظغينه
والا اوعديني واقفل القلب والعين
عن الحكي من صمت يسكن عرينه
اخاف روحك  تحتويني.... عناوين
ويا وجـد حالي لانطقتـي سنينه
عموم ماهي سالفة حرفي الحين
ولاهم بحري رحلتك والسفينه
انا عنـاي اليـابسه والشياطين
ومجاهدة مجهول مدريه... وينه
حارت بي افكاري وهمي دواوين
والجرح غاير والخفايا..... دفينه
في داخلي صيحات كل المجانين
الـي بفزعـتهم  تباشـير دينه
ابكي بليا دمع والعاقله... وين
رحماك ربي من  قهر او  غبينه
حارت بي اقدام الثقه والمحبين
والعمر يجري والبلاوي.. متينه
اصرخ بآآخ الي خبرني على الدين
يوم ان نفسي كانت اكبر مدينه
كيف العطا يصبح مع الوقت تثمين
في عرف من كان الامل في جبينه
يجـر طعـناته بكلمـه.... وثنتيـن
ويجـيد انصـات الألـم من ونينه
الصدر ضايق والهواجس ملاعين
مدري يسار الوقت والا... يمينه
باسكت مخافة نبض يسكن شرايين
يا الاا ا ه ياشينك اذا من يدينه