عيون السهر

خجلا عيون السهر وتشتت افكاري
وانا من الشوق اطيافه وجدرانه
لاراحة تلبس المعنى بأسراري
شـرعـت للـيل طيقانه وبيبانه
قم واكسر السد ظاجت فيك انهاري
يشره علي الشعر دام انت عنوانه
ابـو الحنين الـذي قطع بأستاري
مفضوح قلبي وانا اخاصمك منشانه
ضيعت في وجد لاموجود أو طاري
واشوف بسمة غلا للغير فرحانه
ضاقت على وسع رحلاتي واسفاري
ماكـن لك عـمر تتفـدين ولهانه
لابوك يالحب كيف تكون متداري
يـدرى هجومه واحزانه وكتمانه
وإلا انت لاهي ضحوك وخاطرك عاري
ماتعرف الموت ان جابهت كفرانه
الحان تعزف مشاعر وقع اوتاري
والصمت يصرخ بلا اصوات اشجانه
رح وانثر النضج فوق اغصان اشجاري
واوعـد خريفه بتشكيكه بايمانـه  
انـا عـطيت الكرامه كل ايثاري
ماتنكسر نفس من طغيان انسانه
واسف على حب سوقته لأقداري
ابرسمك غدر لون اسود وخسرانه
كل الثقه في مراحل سكةاخطاري
مهما توصـل لدربي فـكر شيطانه
انا اباسكن هدوئي واهجر اعصاري
يـارب بانـوي وجـملها بهجرانه
واختم مناجاة حرفي راحة اشعاري
صلاة ربي على المحبوب باحسانه