هلت قمر

هلت قمر 

وزادت على الحاني وتر

من شفتها حسيت باحساس الغريب لموطنه

لون الثمر

 في خدها الوردي انتثر

ايام من عمري تقول ان الغلا مستوطنه

الرحيل

اعترف باني بقايا من حياه

ولابقى فيني من احساسك صهيل

خذ ذنوبي خذ هدوئي والنجاه

بس وادع واحترم فيني الرحيل

واعطني هجرك وخذ مني فداه

واعتبرني طيف غابر جوف ليل

الوفا بعدك ونسيانك واااااااااه

يالحنين الي ملاني للأصيل

الصبر طاعه لخاشع في صلاه

والسجود اعظم معاني للعليل

لا تكابر لا يضيع الاتجاه

شف طريق الرايح الي مايقيل

مايجي بالغصب مشروعي معاه

كيف اجامل واخدعه وانا بخيل

ماقدر اعطي للمشاعر في مناه

وداخلي ماضي كريم وعشق ويل

ياصحاري الوجد بلي هالشفاه

من عطش وعدكوانا في وسط سيل

شفني اغرق تحت طوفان المياه

انتشلني واسقني دمعه وحيل

ماقدر اشرب دون عهد الي نساه

لو يموت الفارس الي دون خيل

ماذبحني غير عنده والـ اناه

ولا ارتضي والله عن عينه بديل

هي هدايا العمر ولقلبي دواه

هي سمو الذات وشموخ النخيل

في تفاصيله عطيته من مداه

ياوحيدة خاطر الجاني الدخيل

يالبى احساسه الي في لباه

يوم انا اطلبه في قول وقيل

ثم يسكب لي من القهوه عطاه

والضحك لا قلت زيد ابن هيل

مانسيته لا وربي ماكماه

لو يكون الي يكون بلا كفيل

بسم رب الكون عالي في سماه

ابدتديته وانتهيتك بالرحيل

راتب

راتب ولكن مايكفي الحاجه

وانا في الحد الجنوبي قاطن

الظرف اعلن صرخةً دجاجه

وين انت يالي في نعيمه باطن

الفقر ينهش والخطا منعاجه

والجوع خاين والعدو متواطن

ابك الحقيقه بالكذب مزاجه

ماينقلون ابداً هموم مواطن

خانوا ثقتكم اكبر الديباجه

والعرف تدري دونهم يافاطن

الضو خافت في عموم سراجه

ابن البلد شغال عند الواطن

بسم الله الرحمن

بسم الله الرحمن من نفس ذايبه

يارب ترحمها وذنب جايبه

ياواسع الغفران باحت حيلتي

والروح تتزاحم الم وحكاي به

جتني على الجوال تشكر والتزم

ابيات صاحبها خلى من العايبه

يوسف على علم النقى ياصاحبي

يامزبن الجاني شوير الصايبه

مانفقد الا كل غالي ياعلم

ياميمنة كل اللزوم ونايبه

سلام ياقرم العوامر وافتخر

في حضرتك ترفع علوم سايبه

سامح على التقصير صاحب مانسا

وقفات تتعدى حدود الهايبه

وختامها ياصاحبي مالي غنى

عن حضرتك دايم بنفس ايبه

مايشبع

مايشبع الي عود النفس تجويع

صايم عن الزلات لو هو ملكلك

السوق طايح والشريطي يبي البيع

لا تشتري ياصاحبي لو نده لك

بضاعة الخسران كم يوم وتضيع

والحد نايف والمصاريع قبلك

ولوهوغدر بك خاطرك اصحك تطيع

اذعن لصوت الشايب الي وقف لك

مثله بنى شيمة وقيمة مشاريع

فانت المثل بكره لمشروع نسلك

وارجع على حظي وجف الينابيع

ياحظ تكفى دلني باب مسلك

مطر

سلام والباحه مطر سلام وانفاسي ضباب

سلام يابردي انا والريح تسكن راحتي

سلام واصوات الغلا تهمس باطراف الغياب

سلام والوقت اعتذر وجاني يأخر ساعتي

لربما صدفة عمر مرت من اطيافك ثياب

لربما عطرك  امر اني اكون  بساحتي

وينك على قطف الوله وينك على سقيا التراب

فاتك تهذب غصن احلامي وتمسك غايتي

وان جيت ارتب حلمي الابيض على صفحة اياب

يرحل سواد الليل للجفوا ومعه وسادتي

حتى الشجر ظالم يحط اوراق من جذع العتاب

عدا الشتا الخامس وانا احلف اغادر طاعتي

من يمتلك قدره على ذبح المشاعر والذهاب

كم راح من مغرب وانا احاكي زوايا طاقتي

لطالما نبضك امر افتح من الوجدان باب

لطالما شفته امل للعتق من طلابتي

وان جيت اردك للمطر ولبحر من مزن وسحاب
كنها عيونك ياوطن فاغسل حنايا هامتي
وان هو عتب فالمعذره  تكفى ترى هالقلب طاب

شفني اعلق سالفة عمري على شماعتي

ولازالت احلام الطفل تشرب وتاكل للشباب

والشيب هددها الغزو وانا اهيم بباحتي

الخيمه

الخيمه الي حدرت بالمعاليق

لا والله إلا روحت من محلي

يااصحاب خابركم بروس المطاليق

ليه التزلف يازمن وش حصلي

هم ابلعوها بين ضحك وتصافيق

وانا على القيض التهامي مسلي

جاني خبرهم صبح في فكة الريق

ياعالمي اصحى سرقك المحلي

والي جبرني صيحة الذيب بطويق

ابو يزيد الي يمينه تعلي

وهذا ابو خالد مصمم وصديق

يتل عزمه للمشاريف تلي

اما ابو بسام عاقل ورويق

دايم مع الحق الوضوح المجلي

لكن بقية ربعنا هالمشافيق

يدرون لكن صمتهم مايدلي

ياعايض ابن هميل حظك توافيق

لا والله بعتنا لا والله الي

الاصبري خاين عهود ومواثيق

وش يرتجي من خيمتي هالمضلي

والاشقر الي يهضم الحق ويطيق

هو ياعرب يقدر يصوم ويصلي

لكن عسى صالح يهز الطوافيق

هو شيخنا في هالقروب المفلي

هو المجاوب ان تعجب هل القيق

يقدح صحيح القول لو كان حلي

والخاتمه اخو لنا مات في فيق

كان العضد والمحزم الي يجلي

ارحمه ربي وانج قبره من الضيق

من له بغيرك يا آلهي ومن لي

bin obad

اصبح فؤادي

اصبح فؤادي ياجمل الوقت مهموم
لو هي سنايد فزعة الليل كراس
مبطي وانا في خاطر الليل مهموم
مهما وعود القابله تخمة احساس
تعبت ماوصلت فكري لملزوم
وانا اتحرى ينشرح بالي انفاس
لا لون لامرسم ولا طبع مغروم
ماغير اخاصم ونتي واقرع اجراس
ياعاشق النخوات مانته بملزوم
احساس راحاتك معالي وحساس
يبطي عظم من ينتظر شلة رخوم
قوم على القيعان طاحوا من الراس
لابد مايظهر بطى الوقت ويقوم
ينهض ويحكي سالفة زير جساس
عموم ليت العاقله روس للقوم
ماكان جرتنا الجهاله مع الناس
عقل الفتى لا كان فاطن ومحشوم
رصين فكره يوم هو عام قد قاس
يضرب بيمناه الصعايب على الدوم
وذيك الهمايل تختفي خوف تنداس
قرم تمنى هامة الوقت في يوم
ترضخ شهامه واحضرت شيخ عساس
اما الردي في قسمة الخير محروم
والناس تفرق طبعها حسب الاجناس
عمر النسب لو شالك سنين مهزوم
مهما تغنوا واعلنوا عرق دساس
والفرق بين العرب والعجم معلوم
تقواك راس المال والكسب والساس
والمال لو يرفع احد كان محروم
تقوى الفقير اغنى ولو كان كناس
واحذر من الشيطان لو كان مرسوم
من البشر شيطانه اعوان وانجاس
والرزق لا يتعبك قاضي ومقسوم
مكتوب يابن ادم وممضي فلا باس
ولا لا يغرك قولة فلان مذموم
فانت الحكم ياشارب الشوف بالكاس
الأمعه كنه على النقص مفطوم
والمشكله دايم مضيع ومحتاس
والكل منبع للمعادن ومختوم
وصك الذهب منزوع من كومة الماس
كسب الجمايل ماتوافق مع النوم
والباب لازم له مفاصل وترباس
وغض النظر كنك مع الناس في صوم
ترى الفتن صارت مع الجاه نوماس
واحرص تجادل شخص احمق وملكوم
وان صار فاحرص لا تسجل بقرطاس
والعاقل الي لا اجتهد ابعد اللوم
ماينفع الرجال فكراً بهوجاس
والخاتمه فيما مضى قاف مفهوم
يالله جمل وصلها هب نسناس