طاريها

ماعاد لي بالكيف جلسه ومرواس
ولا عاد طاريها يسكن خفوقي
عادي تمشى سير وقتي مع الناس
ماعاد احسب لليالي شروقي
ناطحت صعبات الطموحات في الراس
لين انخذل موقف وسامح عقوقي
ياما بنيت المرجله وادبل الساس
وابداً ولا اسامح خساس الطروقي
بالمختصر سيرت عرفي بنوماس
على جنوبي ثم تحتي وفوقي
والكيس الي يندفن كنه الماس
طاريه صارخ للرعد والبروقي
شفت الفتن تجرح مع القيد حراس
قدوه ولكن حملوا للنفوقي
الله ياجيل تعلم بقرطاس
علمه جبر حقه وزود حقوقي
الله يسقي حسهم طيب الكاس
قوم وفاهم ساكن في عروقي
عاصرتهم والحين لاباس لا باس
الله يرحم حال عمر سروقي
والخاتمه ياقلبها كلك افلاس
لو تغتني احساس ناقصك ذوقي

رجاوي

ياغناتي حيل هاللحظه قصير
والاماني في رجاها روحت
اسكب العبره كما الطفل الصغير
وده يصارخ ولكنه صمت
خايف افضح حروفي للشوير
وارجع اداري ردودي بالشتت
صاحبك ياغاليه انسان غير
عمره انتي لو يخبي او سكت
محترق لهفات والخاطر كسير
خايف افقد غربتك جرح ونحت...
كل لحظة عيد واحساسك بخير
يالعيون الي بنجواها حكت
وادري بحرفك كما سهم ومصير
والحقيقه واضحه لو ماشكت
ياجمل الانفاس غيباتك كثير
ارجعي سكنى لايام مضت
جادل راحت على القمرا تسير
والمست غيمه وبالهتان جت
غامدي هنا شموخ في مطير
قده الروعه بعين سلهمت
واسمحي لي ياغناتي بالاخير
غربة احساسك عناوين نجت